Një studim nga Mass General Brigham tregon se vendosja e një qepjeje në pjesën e sipërme të barkut (transabdominal cerclage – TAC) është dukshëm më efektive në parandalimin e lindjes së parakohshme te gratë me histori të pamjaftueshmërisë së qafës së mitrës, krahasuar me qepjen vaginale.
Studimi, i publikuar në The American Journal of Obstetrics and Gynecology, analizoi 188 shtatzëni në Brigham and Women’s Hospital dhe zbuloi se vetëm 5.5% e grave me TAC lindën para javës së 34-të, krahasuar me 18.7% të atyre me TVC – një ulje prej 70% e rrezikut.
Megjithëse komplikimet kirurgjikale ishin të rralla, studiuesit theksojnë rëndësinë e vendimmarrjes së përbashkët mes mjekut dhe pacientes, veçanërisht për gratë me rrezik më të ulët, duke peshuar përfitimet dhe rreziqet e ndërhyrjes abdominale./Gazeta Shneta/