Një hulumtim i fundit tregon se sa më shumë operacione cezariane të kryhen, aq më të rrezikshme bëhen ndërhyrjet e mëvonshme për nënën dhe fëmijën.
Prerjet cezariane shpëtojnë jetë, por si çdo operacion i madh, ato sjellin rreziqe serioze, shkruan Very Well Family përcjell Gazeta Shneta.
Gjatë ndërhyrjes, obs-gjinekologu kalon përmes lëkurës, muskujve dhe organeve, duke lënë pas inde mbresë. Këto mund të shkaktojnë komplikime në shtatzënitë e ardhshme, sidomos me mitrën, placentën dhe barkun. Sa më shumë cezariane të kryhen, aq më i madh bëhet rreziku.
Rreziqet gjatë shtatzënisë
Pas një lindjeje cezariane, rreziku për placenta previa – gjendje ku placenta mbulon hapjen e qafës së mitrës – rritet deri në gjashtë herë.
Cezarianet e përsëritura lidhen edhe me placenta accreta, increta dhe percreta, që përbëjnë spektrin e aderimit të thellë të placentës në murin e mitrës.
Një tjetër rrezik është këputja e mitrës, që shfaqet në rreth 0.5% të shtatzënive me histori cezariane dhe rritet me çdo operacion të mëparshëm.
Rreziqet gjatë lindjes
Gjatë operacionit ekziston mundësia e dëmtimit të organeve fqinje, si zorra apo fshikëza. Adezionet – ngjitje të indeve mbresë me organe të tjera – e bëjnë operacionin më të vështirë dhe rrisin rrezikun e dëmtimeve.
Një tjetër komplikim është gjakderdhja e tepërt. Krahasuar me lindjen natyrale, lindja me prerje cezariane ka probabilitet më të lartë të hemorragjisë pas lindjes. /Gazeta Shneta/