Stërvitja gjatë shtatzënisë varet nga niveli juaj i mëparshëm i fitnesit, tremujori në të cilin ndodheni dhe gjendja fizike aktuale. Megjithatë, palestra mbetet një vend i shkëlqyer për të qëndruar aktivë dhe për të marrë motivim shtesë.
Ushtrimet e rregullta mund të reduktojnë dhimbjet dhe kapsllëkun, të përmirësojnë gjumin, të ulin rrezikun e diabetit gestacional dhe depresionit, dhe madje të kontribuojnë në një lindje më të shkurtër dhe më të lehtë, shkruan Parents transmeton Gazeta Shneta.
Stërvitja gjatë shtatzënisë ndihmon gjithashtu në ruajtjen e endorfinave, hormonet natyrale të lumturisë, të cilat janë të rëndësishme për humorin, duke marrë parasysh ndryshimet hormonale të mëdha që ndikojnë në gjendjen shpirtërore.
Gjatë ushtrimeve, mund të ndiheni më të “pa frymë” dhe më pak të ekuilibruar, gjë që është normale për shkak të rritjes së konsumit të ajrit dhe ndryshimeve të qendrës së gravitetit. Kjo nuk tregon mungesë forme, por kërkon kujdes shtesë për të shmangur lëndimet e nyjeve.
Shtatzënia nuk është koha për të ushtruar në maksimum, por është plotësisht e sigurt dhe e dobishme të rrisni ritmin e zemrës me ushtrime kardiovaskulare të moderuara.
Stërvitja e vazhdueshme jo vetëm që përmirëson shëndetin gjatë shtatzënisë, por gjithashtu ndihmon rikuperimin pas lindjes. /Gazeta Shneta/