Një studim i realizuar në Japoni ka zbuluar se efektiviteti i barnave GLP-1, si Ozempic, varet edhe nga arsyet pse njerëzit hanë më shumë sesa duhet.
Këto barna përdoren për të kontrolluar diabetin tip 2 dhe për të ndihmuar në rënien nga pesha, por jo të gjithë përfitojnë njësoj.
Sipas hulumtimit të udhëhequr nga Prof. Daisuke Yabe nga Universiteti i Kiotos, personat që priren të hanë për shkak të joshjes nga pamja apo aroma e ushqimit kanë më shumë gjasa të reagojnë pozitivisht ndaj trajtimit me GLP-1.
Ndërsa ata që hanë për arsye emocionale – si reagim ndaj stresit apo ndjenjave negative – kanë më pak gjasa të humbin peshë me këto terapi.
Studiuesit monitoruan 92 pacientë me diabet tip 2 gjatë një viti në Prefekturën Gifu, duke analizuar peshën, përbërjen trupore, dietën dhe treguesit e gjakut, si dhe raportin e tyre me ushqimin. Rezultatet tregojnë se vlerësimi paraprak i sjelljeve ushqimore mund të ndihmojë mjekët të parashikojnë se kush do të përfitojë më shumë nga trajtimi me GLP-1./Gazeta Shneta/