Një studim i ri në kafshë sugjeron se antioksidanti i çajit jeshil EGCG, i kombinuar me vitaminën B3 (nikotinamid), mund të ndihmojë në rigjenerimin e qelizave të trurit dhe në pastrimin e proteinave që lidhen me Alzheimerin.
Studiuesit zbuluan se ky kombinim riktheu nivelet e energjisë (GTP) në qelizat e trurit të minjve në nivele të ngjashme me ato të qelizave më të reja. Kjo ndihmoi në zvogëlimin e stresit oksidativ dhe në pastrimin e grumbullimeve të proteinave amiloide, që lidhen me dëmtimet njohëse të Alzheimerit, shkruan burimi Very Well Health transmeton Gazeta Shneta.
Megjithatë, ekspertët paralajmërojnë se suplementet orale të vitaminës B3 dhe EGCG nuk japin të njëjtin efekt tek njerëzit.
Sipas Dr. Gregory J. Brewer nga Universiteti i Kalifornisë, vitamina B3 shkatërrohet në zorrë përpara se të arrijë trurin. Studime të ardhshme mund të eksplorojnë mënyra të tjera administrimi, si përmes hundës, nën gjuhë ose me patch.
Edhe pse pirja e çajit jeshil lidhet me përmirësim të kujtesës, ulje të ankthit dhe rrezikut për demencë, efekti i plotë mbi trurin kërkon bashkëveprimin mes çajit jeshil dhe vitaminës B3.
Ekspertët rekomandojnë përqendrim tek ushqyerja e ekuilibruar dhe jo vetëm tek suplementet.
Dieta MIND, e cila përfshin perime jeshile, fruta mali, drithëra të plota, arra, peshk dhe vaj ulliri, është treguar se ul rrezikun e Alzheimerit dhe siguron natyrshëm vitaminë B3. /Gazeta Shneta/