Një studim ka zbuluar se niveli i stresit të nënës gjatë shtatzënisë mund të ndikojë drejtpërdrejt në kohën kur foshnjat nxjerrin dhëmbët e parë.
Studiuesit analizuan hormonet e stresit në pështymën e grave shtatzëna dhe ndoqën zhvillimin e fëmijëve të tyre gjatë viteve të para të jetës, shkruan Frontiers, transmeton Gazeta Shneta.
Rezultatet treguan se nivelet më të larta të kortizolit hormoni kryesor i stresit shoqëroheshin me shpërthim më të hershëm të dhëmbëve primarë të foshnjës. Sipas autorëve të studimit, kjo tregon se ndjeshmëria e fetusit ndaj stresit të nënës mund të ndikojë që në fazat e para të zhvillimit.
Megjithëse dalja e hershme e dhëmbëve nuk është gjithmonë problematike, studiuesit theksojnë se ajo mund të lidhet me rreziqe të caktuara, si predispozicion ndaj kariesit infantil ose zhvillimit të çrregullimeve orale në të ardhmen. Ata sugjerojnë që mbështetja emocionale dhe menaxhimi i stresit tek gratë shtatzëna të konsiderohet prioritet, jo vetëm për mirëqenien e tyre, por edhe për shëndetin e foshnjës.
Ky studim i ri përforcon rëndësinë e kujdesit prenatal dhe thekson se ndikimi i stresit mund të nisë shumë më herët sesa mendohej. /Gazeta Shneta/