Shërbimi Spitalor ka njoftuar se në orët e vona të mbrëmjes në Qendrën Emergjente janë pranuar dy gra, të lindura në vitet 1953 dhe 1995, të plagosura me armë zjarri dhe të sjella nga Podujeva.
Sipas njoftimit, të dyja pacientet janë pranuar në gjendje shumë të rëndë dhe janë futur menjëherë në trajtim intensiv.
Njëra prej tyre është dërguar në operacion, ndërsa ekipet mjekësore kanë ndërmarrë të gjitha masat e nevojshme.
Pavarësisht përpjekjeve të stafit, pacientja e lindur në vitin 1953 ka ndërruar jetë rreth orës 03:00 pas mesnate.
Ndërkohë, gjendja e pacientes tjetër vazhdon të mbetet kritike.