Një studim i ri zbulon se jo të gjitha pijet alkoolike janë njësoj për shëndetin. Birra, sidra dhe pijet e forta rrisin rrezikun e vdekjes së hershme, madje edhe në sasi të ulëta, ndërsa konsumi i moderuar i verës lidhet me një rrezik 21% më të ulët për sëmundjet e zemrës.
Hulumtimi përfshiu 341 mijë pjesëmarrës nga UK Biobank, të ndjekur për më shumë se 13 vite.
Rezultatet treguan se personat me konsum të lartë të alkoolit kanë 24% më shumë gjasa të vdesin nga çdo shkak dhe 36% më shumë nga kanceri.
Edhe konsumimi i ulët i birrës, sidrës dhe pijeve të forta lidhet me rritje të rrezikut nga sëmundjet kardiovaskulare.
Studiuesit theksojnë se vera shpesh shoqërohet me vakte dhe një stil jetese më të shëndetshëm, duke i dhënë efekt mbrojtës zemrës.
Ndërkohë, pijet e tjera zakonisht konsumohen jashtë vakteve dhe lidhen me zakone jo të shëndetshme.
Ekspertët paralajmërojnë se rezultatet janë paraprake dhe mesazhi kryesor mbetet: konsumimi i tepërt i alkoolit paraqet rrezik serioz për shëndetin./Gazeta Shneta/