Laura dhe partnerja e saj, Beth, kanë dy fëmijë, Kate dhe James, shtatzëni të konceptuar përmes trajtimit IVF në një klinikë në Qipron Veriore, e cila kontrollohet nga Turqia.
Ato përdorën vezën e tyre dhe përzgjedhën një donator anonim dhe të shëndetshëm të spermës, duke kërkuar që i njëjti donator të përdorej për të dy fëmijët, në mënyrë që të kishin lidhje biologjike.
Por kur lindi James, ato vunë re tipare të ndryshme fizike, duke shkaktuar dyshime: “A kishte bërë gabim klinika jonë?” Pas viteve të shqetësimit, testet e ADN-së treguan se asnjë fëmijë nuk ishte i lidhur me donatorin e zgjedhur dhe madje ata nuk ishin të lidhur biologjikisht mes tyre. Fëmijët kishin marrë spermë nga dy donatorë të ndryshëm.
Këto raste nuk janë të rralla. BBC ka biseduar me familje të tjera britanike që dyshojnë se gjatë trajtimeve IVF në Qipron Veriore janë përdorur donatorë të gabuar, transmeton Gazeta Shneta.
Shumica kanë bërë teste komerciale ADN-je që konfirmojnë dyshimet.
Klinikat në këtë territor, ku ligjet e Bashkimit Evropian nuk vlejnë, ofrojnë shërbime të lira dhe donatorë anonimë nga e gjithë bota, duke tërhequr personat me probleme fertiliteti, komunitetin LGBT dhe individët beqarë.
Laura dhe Beth kishin zgjedhur donatorin “Finn” nga Danimarka, i cili kishte karakteristika fizike të ngjashme me çiftin dhe kishte bërë testime shëndetësore të detajuara.
Megjithatë, trajtimi i tyre në klinikën Dogus, që përfshinte ilaçe, hotele dhe fluturime, nuk rezultoi siç ishte planifikuar.
Përmes testimeve të mëtejshme të ADN-së të akredituara ligjërisht, është konfirmuar se James dhe Kate nuk janë biologjikisht të lidhur dhe nuk vijnë nga i njëjti donator.
Ky skandal ngre pyetje serioze mbi rregullimin e klinikave IVF në Qipron Veriore dhe transparencën ndaj familjeve që kërkojnë trajtime të këtij niveli jashtë vendit. /Gazeta Shneta/