Ministri i Shëndetësisë, Arben Vitia, ka pritur sot në takim shefin e zyrës së UNDP në Kosovë, Nuno Queirós.
Sipas njoftimit, gjatë takimit palët kanë diskutuar për mundësitë e bashkëpunimit në fushën e shëndetësisë, si dhe për prioritetet e Ministrisë së Shëndetësisë në drejtim të avancimit të shërbimeve për qytetarët.
Takimi është zhvilluar në një atmosferë bashkëpunuese, ku është theksuar rëndësia e partneriteteve ndërinstitucionale për përmirësimin e sistemit shëndetësor.
Me këtë rast, ministri Vitia ka shprehur mirënjohje për mbështetjen dhe bashkëpunimin e vazhdueshëm të UNDP-së në sektorin e shëndetësisë në Kosovë.
Nga ana tjetër, është theksuar gatishmëria për vazhdimin e bashkëpunimit në projekte që synojnë përmirësimin e shërbimeve shëndetësore dhe rritjen e cilësisë së tyre./Gazeta Shneta/