Një pacient 52 vjeqar, mashkull, paraqitet në QKMF Viti (Urgjenca Primare) me dhimbje gjoksi.
Që në momentet e para bëhet EKG ku evidentohet infarkt masiv dhe fillohet terapia e nevojshme. Duke parë gjendjen, merret vendimi për ta dërguar urgjent në Spitalin Rajonal të Gjilanit nga dr. Ardi Ademi, dr. Imer Ramadani dhe infermierja Almira Abazi, së bashku me shoferin Ademin.
Por në momentin e hyrjes në spital, pacienti bie në arrest kardiak.
Falë reagimit të menjëhershëm dhe punës së jashtëzakonshme të dr. Begush Canaj dhe stafit të infermierëve, pacienti rikthehet në jetë. Fibrilacioni përsëritet çdo 5 minuta. Me vendosmëri dhe pa u dorëzuar, ekipi realizon rreth 16 defibrilime deri në stabilizimin e gjendjes.
Në fund, pacienti rikthehet në ritëm sinusal.
Më pas transferohet në QKUK, ku pas koronarografisë vendoset stent për shkak të bllokimit në arterien e majtë të zemrës. Edhe aty, falë punës së palodhshme dhe profesionale të stafit, pacienti vazhdon trajtimin në intensivën e kardiologjisë dhe me gjendje stabile.
Kjo është dëshmi se kur ka përkushtim, bashkëpunim dhe zemër të madhe, shpëtohen jetë.
Respekt i madh për gjithë stafin mjekësor te tri niveleve primar , sekondar , terciar. /Zerogjasht.com/