Komuna e Prishtinës ka njoftuar se nga sot do të hyjnë në fuqi çmimet e reja të biletave të transportit publik, të cilat janë shtrenjtuar.
Sipas Komunës, biletat e blera përmes kuletës digjitale ose SMS-së, përmes operatorëve të telefonisë mobile, do të kenë çmime më të ulëta krahasuar me biletat fizike, shkruan Arbresh.info
Shembull, bileta ditore fizikisht do të kushtojë 1 euro e 20 centë, ndërsa nëse blehet në formë digjitale/sms, do të kushtojë 1 euro.
“Ndryshimet përfshijnë biletat njëdrejtimëshe, ditore, javore, mujore, biletën për linjën e Aeroportit, si dhe biletat vjetore dhe korporative digjitale”, thuhet në njoftim.