HANDIKOS ka pranuar kontigjentin e parë të pajisjeve ndihmëse, të cilat do të shpërndahen për personat me aftësi të kufizuara në Kosovë, si dhe për qytetarët e tjerë që kanë nevojë për këto pajisje.
Sipas njoftimit të dhënë, donacioni është siguruar nga “Human Bridge”, në bashkëpunim me Shoqatën “Lirija” nga Suedia, me angazhimin e Xhafer Balajt dhe Omer Zukës, të cilët kanë kontribuar në realizimin e kësaj mbështetjeje, transmeton Gazeta Shneta.
Transporti i kontigjentit është financuar nga Komuna e Prishtinës.
Sipas HANDIKOS-it, së shpejti pritet të arrijë edhe kontigjenti i dytë i pajisjeve, duke e çuar numrin e përgjithshëm në rreth 500 pajisje të ndryshme ndihmëse.
Shpërndarja e këtyre pajisjeve do të nisë më 27 korrik 2026 në qendrën e HANDIKOS në Prishtinë. /Gazeta Shneta/