Për bebet është shumë e rëndësishme të masazhohen në mënyrë që të ndihen më të qetë, e madje kjo do të shërbejë si një lehtësim edhe në rastin e kolikave apo problemeve me gjumin.
Cilat janë vajrat që mund të përdoren?
Gjatë verës
· Vaji i kokosit. Ai është alternativa më e mirë gjatë stinës së verës dhe klimës së lagësht pasi absorbohet shumë mirë nga lëkura. Është ideal në rast se lëkura është shumë e ndjeshme, në rast ekzemash, skuqjesh, dermatit, kore të kokës etj. Zgjidhni një produkt organik.
· Vaji i susamit. Është shumë i përdorur kryesisht në Indi dhe sipas tyre është vaji që ka përbërësit më të shëndetshëm për lëkurën e fëmijës. Do t’ju këshillonim vajin e nxjerrë nga fara e zezë e susamit.
Gjatë stinës së dimrit
· Vaji i mustardës ka një efekt ngrohës të lëkurës. Ai nuk duhet të përdoret direkt në lëkurë por duhet të përziet me vajra të tjerë.
· Vaji i ullirit. Ai mund të përdoret në lëkurë vetëm nëse ajo nuk është e irrituar nga skuqjet, të prera, ekzema, apo alergji të tjera. Nëse lëkura e fëmijës është delikate duhet të evitohet përdorimi pasi mund të përkeqësojë problemin.
· Vaji i bajames. Mund të përdoret si bazë në shumë përzierje vajrash për masazhe. Duhet të përdorni vajin e pastër dhe jo ato që përmbajnë aroma.
Vajrat që mund të përdoren nëse lëkura është delikate
· Vaji i lulediellit. Është shumë i pasur me vitaminë E dhe acide yndyrore që ushqejnë lëkurën. Nëse fëmija ka skuqje të mëdha në lëkurë nuk këshillohet të përdoret.
· Vaji i kamomilit. Mund të përdoret nëse lëkura e fëmijës është e skuqur apo e plasaritur. Ndihmon edhe në qetësimin e bebeve që vuajnë nga kolikat.
· Vaji i kalendulës. Mund të shtoni edhe këtë vaj në vajin e bajames dhe përdoret kryesisht pas banjos duke qënë se e qetëson së tepërmi lëkurën. Është i pranueshëm nga aroma edhe për nuhatjen e fëmijës.