Në kërkimin për trajtime të reja për Alzheimerin, studiuesit po hetojnë rolin e mundshëm të infeksioneve bakteriale në këtë sëmundje, duke përdorur modele të minjve.
Një bakterie e quajtur ‘’Klebsiella pneumoniae’’, e pranishme në mikrobiomën e zorrëve dhe në jashtëqitjen e një personi, mund të jetë një ndër kontribuesit e kësaj sëmundjeje, shkruan Medical, transmeton Gazeta Shneta.
Pneumoniae ndodhet në mikrobiomën e zorrëve, por nëse migron në pjesë të tjera të trupit, mund të shkaktojë sëmundje të rënda, përfshirë pneumoninë, meningjitin, infeksionet e traktit urinar (UTI), si dhe infeksione në plagë dhe në gjak. Ky bakter është veçanërisht i rrezikshëm për pacientët në spitale dhe mjedise të tjera shëndetësore.
Studiuesit nga Universiteti Shtetëror i Floridës kanë publikuar së fundmi në *The Journal of Infectious Diseases* një studim që sugjeron një lidhje të mundshme midis K. pneumoniae që depërton në tru dhe përparimit të sëmundjes së Alzheimerit. Ky hulumtim sugjeron se nëse bakteria hyn në tru, ajo mund të luajë një rol në përkeqësimin e Alzheimerit.
Ky zbulim i ri përforcon idenë se disa baktere të zorrëve mund të ndikojnë në zhvillimin e sëmundjeve neurodegjenerative, duke sjellë një perspektivë të re për diagnostikimin dhe trajtimin e Alzheimerit./Gazeta Shneta/