Problemet me sistemin tretës dhe stomakun janë më të zakonshme gjatë periudhës së shtatzënisë. E kjo pasi në tremujorin e parë ju përballeni me simptomat e mëngjesit, e më pak me diarrenë.
Edhe pse mund të mos jetë si koncept i zakonshëm, diarreja është një tjetër problem gastrointestinal me të cilën gratë shtatzëna mund të përballen shkruan Verywell Family, transmeton Gazeta Shneta.
Ajo se çfarë duhet të dini është se diarreja nuk ka lidhshmëri me simptomat e mëngjesit.
Disa njerëz e cilësojnë diarrenë si një simptomë e hershme e shtatzënisë. Kjo mund të duket e vërtetë, pasi ndryshimet hormonale rreth kohës së konceptimit dhe në javët e para të shtatzënisë mund të shkaktojnë probleme me stomakun, e të cilat mund të dërgojnë në diarre.
Megjithatë, ndjeshmëria e gjirit, lodhja dhe vjellja janë simptoma shumë më të zakonshme të shtatzënisë së hershme.
Shpesh, gratë shtatzëna shqetësohen për faktin se diarreja mund të jetë indikator që dërgon deri në abort.
Mirëpo, trakti gastrointestinal është një sistem krejtësisht ndryshe dhe përderisa ju qëndroni të hidratuar dhe kujdeseni në ditetën tuaj, ju nuk e vëni në rrezik fëmijën tuaj.
E gjatë tremujorit të fundit, diarreja është një shenjë se lindja po afrohet. Disa gra shtatzën raportojnë diarre, të vjelluara para se të filloj lindja. /Gazeta Shneta/