Mbipesha para dhe gjatë shtatzënisë është një situatë mjaft e zakonshme te gratë, mirëpo e cila në disa raste mund të sjell efekte anësore.
Fillimisht, gratë të cilat janë në mbipeshë mund të kenë problem gjatë konceptimit shkruan Verywell Family, transmeton Gazeta Shneta.
Mes 38 deri në 88 përqind të grave me sindromë policistike të vezoreve (PCOS) kanë mbipeshë. PCOS është një nga shkaqet më të zakonshme të infertilitetit.
Përveç kësaj, mbipesha shoqërohet me çrregullime riprodhuese si anovulim (mungesa e ovulimit), çrregullime menstruale dhe vështirësi me riprodhimin.
Sapo të ngeleni shtatzënë, ekzistojnë disa komplikime duke përfshirë rrezikun si:
-Abort spontan;
-Diabet gestacional;
-Apnea e gjumit;
-Preeklampsia;
-Makrosomia;
-Lindja e parakohshme;
-Infeksion i qeses amniotike
Secila prej këtyre cështjeve ka rreziqet e tyre që lidhen me to. Kjo mund të nënkuptojë që ju duhet të jeni në kontakt të vazhdueshëm me mjekun tuaj për të monitoruar më afër gjendjen tuaj shëndetësore. /Gazeta Shneta/