Kryetari i Komunës së Ferizajt, Agim Aliu, ka treguar se së shpejti do të nisin punimet në ndërtimin e Qendrës së re të Mjekësisë Familjare II në rrugën “Remzi Hoxha” në qytet.
Sipas Aliut, ndërtimi i kësaj qendre është mundësuar fal bashkëpunimit të komunës me shtetin e Katarit përmes organizatës “Qatar Charty” dhe ka vlerën 1,7 milion euro.
“Ndërtesa e re e QMF II, do të integroj gjithë shërbimet e kujdesit primar shëndetësor, me kushte perfekte të ofrimit të shërbimit shëndetësor për bashkëqytetarët tanë. Faleminderit shtetit të Katarit dhe drejtuesve të organizatës “Qatar Charity” për bujarinë e mbështetjen madhore për Ferizajn dhe jo vetëm për këtë projekt”, ka shkruar Aliu në Facebook.
Gjithashtu në po këtë ditë është shënuar Dita e Shëndetësisë në Ferizaj duke kujtuar të gjithë mantelbardhët që tashmë nuk janë ne mesin e tyre.
Kryetari Aliu ka falënderuar të gjithë punonjësit shëndetësorë për punën e përditshme në shërbim të qytetarëve të kësaj komune. /Gazeta Shneta/
