UD. Drejtoresha e Qendrës Kombëtare të Kosovës për Transfuzionin e Gjakut, Bukurije Zhubi, ka deklaruar pasurin e saj në Agjencionin Kundër Korrupsion.
Ajo ka deklaruar se ka të kursyer më tepër se 42 mijë euro ndërsa burri i saj ka mbi 20 mijë.
Zhubi po ashtu ka deklaruar se për blerjen e banesës ajo ka marrë kredi prej 20 mijë euro.
Përveç parave të kursyera ajo ka deklaruar se posedon dy lokale me një sipërfaqe prej 33 metra katror në vlerë mbi 31 mijë euro, në emër të saj është po ashtu e deklaruar edhe një banesë me një sipërfaqe prej 62 metra katror në vlerë prej 44 mijë euro të blerë në vitin 2016.
Banesë në vlerë prej 51 mijë euro ka edhe bashkëshorti i saj, me një sipërfaqe prej 64 metra katror. Në emer të bashkëshortit të saj është dhe një tokë me 1 mijë metra katror në vlerë 150 mijë euro. Zhubi ka në pronësi të përbashkët edhe një lokal me 120 metra katror vlera e të cilit është 240 mijë euro.
Zhubi ka deklaruar se në vitin 2018 bashkëshorti i saj ka blerë veturë 9 mijë e 500 euro, duke mos deklaruar llojin e veturës.
Sa i përketë të ardhurave vjetore, Ud drejtoresha ka deklaruar se përmes pagës mujore dhe kujdestarive në Qendrën e Transfuzionit të Gjakut brenda një viti paguhet mbi 18 mijë euro. Nga meditjet dhe pjesmarrjet në komisione të Qendrës, Odës së Mjekëve paguhet 361 euro e 80 cent.
Zhubi gjithashtu është pjesë e stafit akademik në Univesitetin e Prishtinës dhe Kolegjin Heimere – gjysmë norme, e për të cilën ajo ka deklaruar se paguhet 6 mijë e 422 euro në vit. /Gazeta Shneta/
