Agjencioni Kosovar për Produkte dhe Pajisje Medicinale ka mbetur pa banderola.
Janë bërë afërsisht dy muaj që kur Agjencioni Kosovar për Produkte dhe Pajisje Medicinale ka mbetur pa banderola, shkruan Gazeta Shneta.
AKPM nuk është furnizuar me banderola të kuqe dhe të kaltra dhe kjo ka shkaktuar disa mungesa të produkteve në tregun farmaceutik.
Sipas një përgjigje nga Ministria e Shëndetësisë, tenderi për furnizim me banderola është në proces e sipër.
“Procesi i tenderimit të banderollave është në fazën përfundimtare dhe aktualisht jemi në pritje të nënshkrimit të kontratës”, kanë deklaruar nga MSh.
Ata kanë sqaruar se tenderi është për dy llojet e banderolave.
Përveç mungesës së banderolave, në AKPM është në pushim vjetor edhe zyrtari përgjegjës të cilit ky institucion nuk i ka vendosur fare zëvendësues. Për këtë çështje AKPM nuk ka kthyer përgjigje. /Gazeta Shneta/