Analiza e plotë e gjakut (CBC) mund të tregojë nëse keni nivele të ulëta të qelizave të kuqe ose hemoglobinës – një tregues i qartë i anemisë. Kjo gjendje prek rreth 40% të shtatzënive në mbarë botën dhe lidhet me lodhje, zbehje dhe dobësi.
Anemia shfaqet kur trupi nuk ka mjaftueshëm qeliza të kuqe për të transportuar oksigjenin. Gjatë shtatzënisë, kërkesat për hekur rriten dhe mungesa e tij pengon prodhimin e hemoglobinës, duke shkaktuar lodhje të vazhdueshme edhe pas pushimit, shkruan Very Well Health transmeton Gazeta Shneta.
Një shenjë e dukshme është zbehja e lëkurës, buzëve dhe thonjve, pasi mungesa e hemoglobinës i heq gjakut ngjyrën e kuqe. Po ashtu, vështirësitë në frymëmarrje janë të zakonshme, sepse zemra dhe mushkëritë duhet të punojnë më shumë për të furnizuar trupin dhe fetusin me oksigjen.
Marramendja dhe ndjesia e trullosjes ndodhin kur truri nuk merr oksigjen të mjaftueshëm, sidomos gjatë lëvizjeve të shpejta. Anemia mund të shkaktojë gjithashtu dhimbje koke për shkak të zgjerimit të enëve të gjakut në tru.
Simptoma të tjera përfshijnë duar dhe këmbë të ftohta për shkak të qarkullimit të dobët, si dhe gjuhë të dhimbshme ose ulçera në gojë për shkak të mungesës së pështymës dhe ngadalësimit të shërimit.
Përveç këtyre, gratë shtatzëna mund të përjetojnë vështirësi në përqendrim dhe rrahje të çrregullta të zemrës, pasi zemra punon më shumë për të kompensuar mungesën e oksigjenit.
Mjekët theksojnë se diagnostikimi i hershëm dhe ushqyerja me hekur janë kyçe për të mbrojtur shëndetin e nënës dhe të fetusit. /Gazeta Shneta/