Arsyeja përse vetë themeluesi i iPad, nuk i lejoi fëmijët e vetë t’a përdornin këtë pajisje

2017-04-25 në ora 14:19

Ndonëse e çoi jetën duke ngritur perandorinë më të madhe të teknologjisë në të gjithë botën, ishte shumë strikt në lidhje me përdorimin e saj nga fëmijët e tij. Në një artikull në New York Times në 2014-n, Nick Bilton kujtoi një bashkëbisedim me shefin e ndjerë të Apple pas hedhjes në treg të iPad.

Kur e pyetën nëse fëmijët e tij e pëlqejnë pajisjen e re ai u përgjigj: Ata nuk e përdorin. Ne ua kufizojmë fëmijëve tanë kohën e përdorimit të pajisjeve teknologjike në shtëpi”, shkruan TE SHESHI.

Sipas Biltonit kjo qasje është shumë e zakonshme tek njerëzit më të fuqishëm në botën teknologjike.

Walter Isaacson, autor i biografisë së Steve Jobs, libër i cili është përshtatur për film dhe ku do të luajë Michael Fassbender thotë: “Çdo darkë, Steve mblidhte familjen në një tavolinë të madhe në kuzhinën e tyre dhe diskutohej për librat, historinë dhe shumë gjëra të tjera. Askush nuk vendoste një Ipad apo kompjuter. Fëmijët nuk shfaqnin ndonjë shenjë vartësie ndaj kësaj pajisje”.