Pilula kundër depresionit pas lindjes (PPD) është autorizuar nga Administrata e Ushqimit dhe Barnave të SHBA-së (FDA) më 4 gusht.
Bari zuranoloni, jepet dy herë në ditë për dy javë në doza 50 mg, shkruan Health News përcjell Gazeta Shneta.
Në dy prova klinike, duke përfshirë gratë që vuanin nga depresioni i rëndë pas lindjes, bari reduktoi simptomat me tre ditë pas dozës së parë, duke përfshirë ankthin, problemet me gjumin, humbjen e kënaqësisë, energjinë e dobët, ndjenjën e fajit ose izolimin social.
Është mjekimi i parë oral i miratuar nga FDA, përveç një injeksioni intravenoz të autorizuar në vitin 2019. Procesi i injektimit kërkonte që pacientët të qëndronin dy ditë e gjysmë në spital.
Pjesëmarrësit e hulumtimit ishin gra shtatzëna me depresion pas lindjes, simptomat e të cilave filluan në tremujorin e tretë ose brenda katër javësh pas lindjes dhe që plotësonin kriteret DSM-IV për një episod depresiv madhor.
Çfarë është depresioni pas lindjes (PPD)?
“Depresioni pas lindjes është një gjendje serioze dhe potencialisht kërcënuese për jetën në të cilën gratë përjetojnë trishtim, faj, pavlefshmëri – madje, në raste të rënda, mendime për të dëmtuar veten ose fëmijën e tyre. Dhe, për shkak se depresioni pas lindjes mund të prishë lidhjen nënë-fëmijë, ai mund të ketë pasoja edhe për zhvillimin fizik dhe emocional të fëmijës”, tha Tiffany R. Farchione, drejtoreshë e Divizionit të Psikiatrisë në FDA. /Gazeta Shneta/