Ndërsa të tjerët do t’ju tregojnë se foshnjat zakonisht qëndrojnë në këmbë, pa mbështetje, rreth nëntë muajsh, një studim i ri sugjeron se foshnjat mund të zotëronin këtë aftësi të rëndësishme shumë më herët.
“Me një trajnim, fëmijët mund të qëndrojnë shumë më shpejt se kaq, madje edhe para se të kenë katër muaj”, thotë autori kryesor, profesor Hermundur Sigmundsson, i Universitetit Norvegjez të Shkencës dhe Teknologjisë.
Si pjesë e hulumtimit, botuar në revistën “Frontiers in Psycology”, 13 foshnja (me një moshë mesatare prej 97 ditësh) morën pjesë në një program me bazë në Islandë. Sesionet e notit zgjatën një orë për 12 javë dhe u zhvilluan dy herë në javë.
Arsyeja përse ata zgjodhën pishinën është se ajo konsiderohet një kontekst i sigurt dhe argëtues për foshnjat dhe prindërit e tyre përsa i përket kësaj sjellje të veçantë motorike, sipas hulumtuesve.
Ngjarja kryesore, megjithatë, dhe fokusi i hulumtimit, ishte “detyrë e pavarur e qëndrimit në këmbë”, gjatë së cilës instruktori ngriti foshnjat, një nga një, për një maksimum prej 15 sekondash. Foshnjat praktikuan detyrën në duart e instruktorit.
Zhvillimi motorik i foshnjave u vlerësua para fillimit të seancave, në mënyrë që të përcillnin progresin e tyre.
Deri në fund të studimit, 11 prej foshnjave ishin në gjendje të qëndronin të pavarura në këmbë për më shumë se 15 sekonda, ndërsa foshnja e 12-të arriti më shumë se tetë.
Shikoni videon më poshtë për më shumë detaje, por asnjëherë mos e provoni këtë pa ndihmën e ndonjë instruktori.