Një foshnje e cila ka lindur para kohe ka mbijetur pasi pranë saj në spital është vendosur motra e saj binjake. Kjo ka ndodhur në Adelaide të Australisë.
Lily dhe Summer Cobbing u lindën 3 muaj para kohe. Por, ndërsa Summer peshonte 840 gram, motra e saj binjake peshonte afërsisht sa gjysma e saj, 390 gram.
E ndërsa prindërit po përgatiteshin për më të keqen për shkak të përkeqësimit të shëndetit të Lily -t në Qershor të 2010, nënës së tyre i kishte lindur një ide, që t’i vendoste vajzat pranë njëra – tjetrës ashtu siç kishin qenë në barkun e saj.
Sipas saj, kjo ishte si një mrekulli pasi shëndeti i Lily-t u përmirësua ndjeshëm dhe të dyja vajzat ishin në shtëpi tetë muaj pas lindjes.
Binjaket tani janë 6-vjeçe dhe shkojnë shumë mirë me njëra –tjetrën.