Për shkak se interneti na ofron një shpërndarje të gjerë të informacioneve, shumë sosh nuk bazohen në fakte të vërtetuara duke informuar opinionin publik në mënyrë të gabuar.
Edhe shëndeti i shtatzënave bie pre e këtyre informacioneve të gabuara pasi që mijëra shkrime thonë një gjë e po aq tjera mund ta mohojnë po të njejtën, transmeton GazetaShneta.
E një prej këtyre inormacioneve është është stërvitja fizike gjersa nëna është ende gjidhënëse dhe ushqen fëmiëjt më qumësht.
Është besuar deri tani se nëse një nënë bën ushtrime fizike gjatë periudhës kur ushqen me qumësht gjiri foshnjen mund të pësojë rënie të prodhimit të qumështit.
Por kjo është një e pavërtetë e madhe pasi që nënat përfitojnë shumë po që se angazhohen fizikisht në ndonjë sport ose aktivitet tjetër.
Çka duhet patur kujdes?
Mirëpo nënat duhet të bëjnë kujdes që të mos e teprojnë me ushtrimet. Ajo që preferohet më së shumti janë ushtrime ose sporte që nuk kërkojnë shumë intensitet lëvizjesh apo djegie të mëdha të kalorive.
Nëse një nënë kalon në ekstremin tjetër, që të bëj ushtrime pa ndërprerë dhe thuajse tërë kohë, atëherë mund ta dëmtojë edhe vet foshnjen.
Një faktor që nuk bën të anashkalohet nga nënt gjidhënëse është orari i caktuar kur foshnja ose fëmija ushqehet me qumësht, shkruan “Health Line”.
Kur fëmijët tuaj ta kenë caktuar një orar të pandryshueshëm të ushqimit me qumësht gjiri, atëherë ajo kohë nuk bën të ndërrohet asesi, aq më pak për ushtrime që mund t’i bësh edhe më vonë.
Nëse gratë gjidhënëse e sforcojnë vetën jashtë mase rrezikojnë që të prodhojnë një qumësht me cilësi më të hidhur dhe të kenë acid laktik të shtuar në qumësht.
Preferohet që të filloni me ushtrime nga 15 minuta ecje në ditë dhe duke shkuar e rritur kohën e stërvitjes deri në 45 minuta.