Janë shumë arsye që ndikojnë që fëmijët të stresohen, e disa nga këto janë:
– Divorci: Fëmijët nuk janë aspak rehat nëse prindërit vazhdimisht zihen ose edhe ndahen. Kjo bën që fëmija të frikësohet dhe të ndihet i vetmuar.
– Shpërngulja: Prishja e rehatisë dhe ndërrimi i ambientit në të cilin janë mësuar shkakton ndjenja të pasigurisë dhe konfuzion.
– Vdekja: Nëse bëhet fjalë për humbjen e një anëtari të ngushtë të familjes, mik apo kafshë të dashur, vdekja shpesh është e habitshme për fëmijët dhe dhimbja mund të jetë shkatërrimtare. Një fëmijë mund të ndihet i braktisur ose në një farë mënyre fajtor se ka shkaktuar vdekjen. Përveç kësaj, vdekjet që ndodhin në mënyrë të rastësishme si në aksidentet e makinave gjithashtu mund t’i lënë fëmijët të frikësuar.
– Mbingarkesa: Fëmijët nuk janë të mësuar të përballojnë orar shumë të ngjeshur, dhe regjistrimi në shumë kurse e shkolla të ndryshme do të shkaktojë ankth.
– Presioni i bashkëmoshatarëve: Edhe parashkollorët edhe fëmijët më të rritur mund të ndikohen nga mënyra se si fëmijët e tjerë mendojnë dhe veprojnë. Nuk duan të jenë të ndryshëm nga të tjerët kjo i bën të ndihen të shqetësuar./gazetashneta