Nëse tanimë është koha për një shtatzëni të dëshiruar, mund të pyesin veten, se cilat janë hapat e parë që duhet ndërmarrur në këtë drejtim.
Mes tjerash, nëse vendosni të bëni një kontroll para shtatzënisë, mjeku juaj i përgjithshëm do t’ju pyesë për ndonjë problem eventual me periodat tuaja menstruale, shëndetin tuaj të përgjithshëm, si dieta, stërvitja dhe mënyra e jetesës, mirëqenien tuaj emocionale dhe nëse puna juaj ditore përfshin punën me substanca të rrezikshme, shkruan Baby Center përcjell Gazeta Shneta.
Mjeku juaj gjithashtu do të dëshirojë të dijë për çdo gjendje shëndetësore ekzistuese që mund të keni, të tilla si: diabeti, astma, presionin e lartë të gjakut, epilepsia, problemet e tiroides, problemet e zemrës si dhe çështjet e shëndetit mendor.
Për të mësuar më shumë rreth komplikimeve të shtatzënisë KLIKO KËTU.
Gjëra të tjera që duhet të diskutoni në takimin tuaj para shtatzënisë përfshijnë:
Çdo gjendje gjenetike në familjen tuaj
Tregojini mjekut tuaj të përgjithshëm nëse keni një histori familjare të ndonjë gjendjeje trashëgimore si sëmundja drapëro-citare, talasemia ose fibroza cistike, në mënyrë që ata të mund të organizojnë mbështetje dhe këshilla të mëtejshme.
Kontracepsioni juaj
Në shumicën e rasteve, kontracepsioni që keni përdorur nuk duhet të ndikojë në kohëzgjatjen për të mbetur shtatzënë. Por nëse keni përdorur injeksionin kontraceptiv, mund të duhet deri në një vit pas injektimit të fundit që nivelet tuaja të fertilitetit të kthehen në normale.
Mjeku juaj mund të pyesë gjithashtu për çdo ndërprerje, abort ose shtatzëni ektopike që keni përjetuar. /Gazeta Shneta/