Nga çfarëdo lloj shkaku i rrezimit, çdo nënë mund të krijoj panik dhe shqetësim për beben e saj.
Të gjithave mund të na ketë ndodhur që në shtatzëni të rrëzohemi. Kjo si pasojë e humbjes së balancës duke qënë se barku rritet. Një ndikim tjetër ka edhe hormoni relaxin që ndikon në relaksimin e ligamenteve të trupit. Pra pikërisht hormoni që do t’ju ndihmojë të lindni më lehtë fëmijën do t’ju bëjë edhe këmbët më pak të qëndrueshme gjatë ecjes.
Pavarësisht arsyeve të rrëzimit në shtatzëni, a ka vend për panik? Dmth a dëmtohet fëmija?
Deri në momentin që ju nuk bini me forcë të madhe në tokë nuk ka vend për shqetësim. Pra fëmija nuk do të dëmtohet kjo si pasojë e:
-Lëngut amniotik që krijon ndjesinë e rënies tek një pirg jastëkësh;
-Fëmija mbrohet edhe si pasojë e trashësisë së uterusit;
-Mos harroni se fëmija mbrohet edhe muskujt abdominalë si edhe shtresat dhjamore;
-Pa harruar edhe kockat e zonës pelvike.
Kur mund të jetë me rrezik rënia në shtatzëni?
Ka disa faktorë që ndikojnë në përkeqësimin e situatës si:
Mosha e nënës:Nëse ajo është mbi 35 vjece rreziku për komplikacione rritet. Në këtë rast duhet të bëni vizitë tek mjeku;
Pozicioni i rënies së nënës: Deri në momentin që nuk bini direkt në fytyrë dhe me barkun poshtë duke u lënduar nuk ka asnjë rrezik. Nëse bini në shpinë mos u shqetësoni.
“Një ndikim në përkeqësimin e situatës ka edhe sipërfaqja në të cilën rrëzohet gruaja në shtatzëni”
Gjithashtu rëndësi ka edhe faza e shtatzënisë në të cilën ndodheni. Nëse në trimestrin e parë mund të mos krijohen probleme mund të mos jetë kështu për trimestrin e fundit. Pra rreziku rritet me avancimin e shtatzënisë. Kjo pasi fëmija fillon të zbresë dhe merr pozicion me kokën poshtë./botaegruas