Qumështi është një burim i pasur i ushqyesve thelbësorë për zhvillimin e foshnjës dhe shëndetin e nënës.
Sipas Departamentit Amerikan të Agrikulturës, gratë shtatzëna duhet të konsumojnë dy ose tri gota qumësht çdo ditë, për t’i arrirë këto lëndë ushqyese, transmeton Gazeta Shneta.
Megjithatë, për t’i arrirë lëndët e nevojshme ushqyese për foshnjën dhe për vetën tuaj, ju duhet gjithashtu edhe të përzgjedhni llojin e qumështit që do të konsumoni.
Qumështi me sasi të vogël yndyre, i cili është i lartë në vlera ushqyese, posaçërisht në kalcium, rekomandohet të merret me një sasi prej 2-3 gotash në ditë.
Krem qumështi rekomandohet vetëm për ato gra të cilat nuk janë në mbipeshë, për shkak të sasisë së yndyrës që ka.
Qumështi i pasterizuar eliminon të gjitha bakteret e mundshme, të cilat kanë gjasë të depërtojnë edhe në organizmin e fetusit në zhvillim.
Ndërkaq, llojet e qumështit si ai jo i pasterizuar, si dhe djathi i mykur mund të dëmtojnë seriozisht shëndetin tuaj dhe të bebes./Gazeta Shneta/