Ankthi, lodhja, mërzitja, brengosja, trishtimi… Të gjitha këto emocione e përshkojnë psikikën e një nëne që sapo ka kryer lindjen e saj.
Ndonëse një humor i luhatshëm është normal për periudhën e pas-shtatzënisë, ka raste të shumta kur nënat përjetojnë një fazë depressive pas lindjes, transmeton GazetaShneta.
Parndaj duhet patur kujdes se si i trajtojmë gratë pasi kanë sjellë në jetë foshnjen.
Së pari duhet t’i kuptojmë shkaqet që sjellin një humor të tillë:
– Mungesa e përkrhajes shoqërore
Ashtu si për të gjithë njerëzit, edhe për shtatzënat përkrahja morale është një element forcues. Për këto të fundit, mbështetja nga familja e sidomos nga bashkëshorti është tejet e domosdoshme për shkak se ashtu ndihet më e sigurt dhe me vlerë.
– Luhatjet ekonomike
Edhe pse depresioni post-natal nuk kursen asnjë grua nga të ashtuquajturat klasa shoqërore, përsëri më të ndikuarat janë personat që nuk kanë stabilitet ekonomik. Sipas studimeve është vërtetuar se mos pasja e sigurisë financiare për të mbajtur familjen ndikon në uljen e vetbesimit të përsonit që rrjedhimisht pastaj ndikon edhe në uljen e humorit, shkruan “HealthLine”.
– Dhuna fizike
Gratë që janë të prekura nga dhuna verbale dhe fizike mund të preken nga depresioni pas lindjes.
– Mosha
Nënat që lindin në një moshë më të vjetër e përballojnë pas-lindjen pak më vështirë.
– Shëndeti mental i padiagonosfikuar
Nëse një grua ka vuajtur nga problemet mendore që nuk i ka trajtuar para shtatzënisë, atëherë ato do të ndikojnë shumë pasi ajo të lind.
Si ta parandalojmë depresionin post-natal?
Disa nga faktorët e lartëpërmendur siç janë mosha etj. nuk janë në dorën duaj andaj nuk keni edhe si t’i ndryshoni shumë; ajo që mund ta ndryshoni janë efektet e jashtme siç janë kushtet ekonomike, dhuna. Mundohuni të kontrolloni vijimësinë e jetës tuaj duke marrë vendimet sipas qëllimeve të qarta, pa e lejuar askënd të vendosë për ju. Nëse e keni të mundur, kërkoni mbështjetje nga familja ose shoqëria; përndryshe provoni të merrni ndihmë edhe nga mjekuët në spital. Është e rëndësishme të mos bëheni viktime e kushteve të jashtme. /GazetaShneta/