Studime të reja sugjerojnë se konsumimi i përditshëm i çokollatës së errët mund të ndikojë pozitivisht në uljen e tensionit të gjakut. Efektet e vërejtura përfshijnë ulje të presionit sistolik dhe diastolik brenda pak javësh.
Efekti shpjegohet nga prania e flavanoleve në kakao përbërje natyrale që e ndihmojnë sistemin vaskular të relaksohet dhe përmirësojnë qarkullimin e gjakut. Këto substanca ndikojnë në funksionin e enëve të gjakut duke i bërë ato më elastike dhe më efikase, shkruan Verywell Health, transmeton Gazeta Shneta.
Megjithëse ulja e tensionit është e moderuar, ekspertët theksojnë se edhe ndryshimet e vogla mund të kenë ndikim në uljen e rrezikut për sëmundje kardiovaskulare dhe goditje në tru. Për këtë arsye, çokollata e errët po shihet gjithnjë e më shumë si pjesë ndihmëse e një diete të shëndetshme.
Rekomandimet theksojnë konsum të moderuar dhe zgjedhjen e çokollatës me të paktën 70% kakao, pasi versionet komerciale me shumë sheqer nuk japin të njëjtat përfitime. /Gazeta Shneta/