Ka shumë xhelozi ndaj grave franceze – stil, theks seksi dhe sasi të pafund të kroasanteve në çdo cep (dhe si për çudi gratë franceze nuk trashen fare. Mister i pazgjidhur). Por ne nuk jemi të sigurt se a pajtohemi në debatin ‘çokollata kundër seksit’.
Duke u bazuar në një pyetësor nga Harris Interactive, gratë franceze thanë se kur hanin çokollatë ndjenin më shumë kënaqësi. Pyetësori u plotësua nga 1,000 persona, burra francez dhe gra franceze, duke i pyetur për seks, ushqim, kënaqësi dhe lumturi, transmeton Gazeta Shneta.
Rezultatet zbuluan se për gratë më e preferuar ishte çokollata sesa pak ‘ooh-la-laaaa.
Pjesëmarrësit ishin pyetur të renditnin elementët e mirëqenies në një shkallë prej 0 deri në 10, kur burrat e vunë notën për ushqim 7.2 dhe për seks 7.5. Në anën tjetër, gratë i dhanë notën 7.0 ushqimit dhe një notë më të ulët prej 6.7 seksit. Të dy gjinitë e notuan çokollatën si ushqimi më i kënaqshëm.
Shumica e grave (57%) thanë gjithashtu se do ta zvogëlonin numrin e marrëdhënieve intime para se të zvogëlonin sasinë e ushqimit (krahasuar me 39% të burrave). Të jemi të sinqertë, edhe ne i bashkangjiteni në këto mendime.
Të gjithë e duam një kockë të madhe të çokollatës, por pse të zgjedhim? Me të gjitha benefitet e çokollatës dhe seksit, ne i shijojmë të dyja!
Në një hulumtim të publikuar në “Journal of Sexual Medicine”, hulumtuesit italianë ranë në përfundim se gratë që hanë më shumë çokollatë kanë dëshirë më të madhe dhe shijojnë më shumë seksin sesa gratë që nuk hanë çokollatë.
Kjo për pak se na bën ta mendojmë si opsion lyerjen e trupit me çokollatë. Për pak! /Gazeta Shneta/