Kufizimet e fundit të koronavirusit në Finlandë do të hiqen pasi 80 përqind e popullatës mbi 12 vjeç të jenë vaksinuar plotësisht, njoftoi qeveria këtë të hënë.
“Qëllimi ynë është të hapim shoqërinë dhe ta mbajmë të hapur,” u tha kryeministrja Sanna Marin – gazetarëve në Helsinki pas një takimi të kabinetit mbi strategjinë e koronavirusit të vendit, shkruan MedicalxPress përcjell Gazeta Shneta.
“Avancimi i mbulimit të vaksinimit është çelësi ynë për ta arritur këtë”, tha Marin duke shtuar se kufizimet do të hiqen gradualisht pasi të përmirësohet situata e virusit.
Finlanda ka qëndruar në nivelet më të ulëta të infeksionit gjatë gjithë pandemisë, megjithëse rastet janë rritur ndjeshëm muajt e fundit, veçanërisht në mesin e grupeve të pavaksinuara siç janë të rinjtë.
Autoriteti i shëndetit publik, THL, raportoi mbi 130,000 infeksione totale dhe 1,036 vdekje të lidhura me COVID të hënën në vendin nordik prej 5.5 milion banorësh dhe tha se 53.2 përqind e popullsisë ishte vaksinuar plotësisht.
Më herët, qeveria propozoi përfundimin e rregullit të distancës sociale – dy metra, i cili aktualisht zbatohet për tubimet e mëdha dhe ngjarjet kulturore, me ndryshimin që ka të ngjarë të miratohet nga parlamenti në ditët në vijim. /Gazeta Shneta/