Çrregullimet e humorit që shfaqen për herë të parë ose rikthehen në moshë të shtyrë (LLMDs), si depresioni dhe çrregullimi bipolar, janë të zakonshme dhe ndikojnë ndjeshëm në cilësinë e jetës. Por përveç kësaj, studime të reja sugjerojnë se ato mund të jenë edhe një paralajmërim i hershëm për demencën.
Një studim i publikuar në revistën “Alzheimer’s & Dementia”, zbuloi se personat me çrregullime të tilla kanë nivele më të larta të proteinave beta-amiloid dhe tau në tru – dy shenja të njohura të sëmundjes së Alzheimerit dhe çrregullimeve të tjera neurodegjenerative, shkruan burimi Medical News Today transmeton Gazeta Shneta.
Sipas Dr. Keisuke Takahata, udhëheqës i studimit nga Japonia, këto proteina jonormale mund të jenë të pranishme në tru vite përpara se të shfaqen simptomat klasike të demencës.
Në praktikën klinike, shpesh ndodh që njerëzit të zhvillojnë çrregullime të humorit pas moshës 40 vjeç dhe më vonë të përballen me demencën. Kjo ka çuar te mendimi se disa nga këto raste mund të jenë shenja të hershme të dëmtimeve në tru.
Studiuesit theksojnë rëndësinë e zbulimit dhe monitorimit të hershëm të çrregullimeve të humorit te të moshuarit, pasi ato mund të ndihmojnë në parashikimin dhe ndoshta në vonimin e zhvillimit të demencës. /Gazeta Shneta/