Anoreksia dhe bulimia janë dy prej çrregullimeve në të ngrënë që sjellin efekte anësore te gratë, duke përfshirë këtu edhe çështjen e fertilitetit.
Një studim zbuloi se gratë që kanë përjetuar më parë anoreksi apo bulimi kanë gjasa të përjetojnë dy herë më shumë probleme me fertilitet shkruan Verywell Family, transmeton Gazeta Shneta.
Megjithatë, jo shumë studime e mbështesin këtë fakt. Shumë prej tyre kanë zbuluar se gratë me çrregullime të të ngrënit nuk kanë domosdoshmërisht gjasa të përjetojnë infertilitet.
Mirëpo, cila është lidhshmëria mes çrregullimeve të të ngrënit dhe fertilitetit?
Anoreksia, bulimia vijnë si rezultat i kufizimit të ushqimit, në këtë mënyrë, duke sjell probleme me shëndetin fizik dhe mendor.
Komplikimet e mundshme ndryshojnë mes këtyre çrregullimeve dhe ndërlikimet shëndetësore nga crregullimet e të ngrënit mund të jenë mjaft serioze.
Të ushqyerit dhe hormonet
Sipas studimeve, personat që përballen me bulimi kanë tendencë që të kenë një mos-ushqyerje në mënyrë cilësore. Trupi juaj ka nevojë për një shumëllojshmëri të vitaminave, mineraleve dhe proteinave, dhe gjithashtu të konsumoni ujë.
Në rast se, trupi juaj nuk merr lëndë ushqyese të rëndësishme, atëherë spermatozoidet dhe qelizat vezë mund të kenë cilësi të dobët.
Cikli menstrual dhe ovulimi
Një nga shenjat e çrregullimit të të ngrënit te gratë është amenorrea apo mungesa e ciklit menstrual apo oligomenorrea periudha të crregulta.
Kjo do të thotë se, nëse nuk keni cikël të rregullt, nuk do të mund të keni ovulim të duhur.Në këtë rast, është e vështirë të ngeleni shtatzënë.
Tkurrja e vezoreve dhe mitrës
Te disa gra me anoreksi, studimet me ultratinguj kanë bërë të ditur se vezoret e grave janë zvogëluar në madhësi para pubertetit. /Gazeta Shneta/