Kur lind foshnja, trupi i saj konsiston nga 75% lëngje. Rreth 60% e trupit, te të rriturit dhe fëmijët përmban lëngje.
Lëngjet janë të rëndësishme për shëndetin tonë, dhe qelizat e trupit tonë varen nga lëngjet që të funksionojnë normalisht dhe të çlirohen nga produktet e shpenzuara.
Sasia dhe lloji i lëngjeve që konsumohet nga fëmijët dhe të rriturit ka impakt të rëndësishëm në shëndetin e tyre.
Sasia që duhet të pijë një fëmijë mund të ndryshojë shumë, varësisht nga mosha dhe gjinia si dhe nga moti dhe aktivitetet fizike, transmeton rtv21.tv.
The European Food Safety Authority (EFSA), ka këshilla se sa shumë lëngje iu nevojiten fëmijëve – që janë të cekura më poshtë. Si rregull i përgjithshëm, fëmijët e moshës 4-13 vjeç duhet të pinë 6-8 gota me lëngje brenda ditës, e fëmijët më të vogël duhet të pinë më pak, (150ml për 4 vjeçarët dhe 250ml për më të rritur).
Sa duhet të pini ujë brenda ditës?
Vajzat dhe djemtë e moshës 4-8 vjeç kanë nevojë për 1.1 deri në 1.3 litra brenda ditës.
Vajzat e moshës 9-13 vjeç kanë nevojë për 1.3 deri në 1.5 litra brenda ditës.
Djemtë e moshës 9-13 vjeç kanë nevojë për 1.5 deri në 1.7 litra brenda ditës.
Pavarësisht lëngjeve që marrim nga pijet edhe disa ushqime që konsumojmë përmbajnë ujë dhe kështu që ato ushqime me përmbajtje me të madhe të ujit, rrisin sasinë e lëngjeve.
Frutat dhe perimet kanë përmbajtje më të madhe të ujit – psh. trangujt dhe shalqini kanë 90% ujë.
Cilat janë shenjat e dehidratimit te fëmijët?
Hidratimi është shumë i rëndësishëm te fëmijët, e sidomos kur ata kanë kërkesa të larta për ujë, në relacion me peshën.
Foshnjet dhe fëmijët e vogël, janë më pak tolerant ndaj nxehtësisë dhe marrja e lëngjeve në sasi të vogla është esenciale, sidomos gjatë temperaturave të larta, ose kur ata janë aktivë dhe humbja e lëngjeve është e lartë.
Nëse ata nuk e kuptojnë se kur janë të etur, shancat që të dehidratohen janë të mëdha.
Dehidratimi mund t’i bëj fëmijët nervoz, mund t’iu shkaktoj lodhje, dhimbje koke, mungesë koncentrimit, zvogëlon performancën mendore dhe lëkura bëhet e thatë.
Cilat janë pijet më të mira që ju ndihmojnë të hidratoheni?
Uji është zgjidhje e mirë për fëmijët që të jenë të hidratuar dhe është mirë që fëmijët të mësohen nga fillimi me ujë.
Pijet tjera si qumështi dhe lëngu i frutave po ashtu përmbajnë lëngje dhe përbërës tjerë.
Lëngu i frutave pa sheqer dhe fruta të shtrydhura mund të konsiderohen po ashtu si kontribues të dobishëm që sjellin vitaminën C.
Sidoqoftë, ato janë të thartuara dhe përmbajnë sheqer natyral, ato duhet të limitohen në jo më shumë se 150ml brenda ditës, sidomos gjatë kohës së ngrënies.
Rekomandohet që fëmijët të mos pinë kafeinë, që përmbajnë pije energjike./21media