Depresioni gjatë shtatzënisë rrit rrezikun e zhvillimit të çrregullimeve të humorit te fëmija

2021-09-18 në ora 21:39

Studimi i botuar në revistën JAMA Psychiatry ka treguar se depresioni i përjetuar nga nëna gjatë shtatzënisë ndikoj te fëmija. 

Studimi i fundit ka dëshmuar se shëndeti mendor i nënës gjatë shtatzënisë mund të ndikojë te fetusi shkruan Healthline, transmeton Gazeta Shneta.

Mësoni më shumë rreth komplikimeve të shtatzënisë duke lexuar më shumë KËTU

Rebecca M. Pearson, PhD, së bashku me ekipin e saj të studimit, janë mbështetur në të dhënat e më shumë se 4 mijë e 500 fëmijëve.

Studiuesit arritën në përfundim se fëmijët e lindur nga nënat me depresion kishin 1.5 herë më shumë gjasa të zhvillonin depresion në moshën 18-vjeçare.

Në bazë të kësaj, Pearson u shpreh se pasojat fiziologjike të depresionit të përjetuara nga nëna mund të kalojnë nëpër placentë dhe të ndikojnë në zhvillimin e trurit të fetusit.

Depresioni dhe shtatzënia

Depresioni prenatal prek rreth 10 deri në 15 për qind të grave dhe është po aq i zakonshëm sa depresioni postnatal apo ndryshe depresioni pas lindjes.

Ndërkohë që, gratë shtatzëna shpesh ndiejnë rritje emocionale për shkak të ndryshimeve hormonale, ndryshimeve të humorit, mund të lidhen me depresionin.

Këto simptoma përfshijnë ndjenjat e trishtimit, të pashpresës, të qarit e tepërt, humbja e energjisë, dhe interesit për aktivitete.

Andaj, është tejet e rëndësishme që përgjatë kësaj periudhe t’i kushtoni vëmendje edhe shëndetin tuaj mendor. Në rast se, vëreni se përballeni me simptoma të tilla, kërkoni ndihmën e profesionistëve shëndetësor./Gazeta Shneta/