Dhimbja në shpinë ose sikleti i vazhdueshëm është diçka e zakonshme gjatë shtatëzanisë dhe duhet të pritet në një farë mase nga shumica e grave.
Mund të përjetohet gjatë çdo pike të shtatëzanisë, sidoqoftë ajo më së shpeshti shfaqet në shtatëzaninë e vonshme pasi fëmija rritet shkruan American Pregnancy Association.
Ju nuk jeni vetëm nëse përjetoni dhimbje shpine gjatë shtatëzanisë. Prevalenca ndryshon nga raportet që tregojnë midis 50 deri në 70 përqind të grave shtatzëna që përjetojnë dhimbje shpine përcjell Gazeta Shneta.
Poashtu, dhimbjet e shpinës mund të ç’rregullojnë rutinën tuaj të përditshme ose të ndërhyjë në një natë të mirë të gjumit.
Dhimbja e shpinës gjatë shtatëzanisë është e lidhur me një numër faktorësh. Disa gra fillojnë të kenë dhimbje në shpinë me fillimin e shtatëzanisë.
Gratë që janë më të rrezikuara për dhimbje shpine, janë ato që kanë mbipeshë ose kanë dhimbje të shpinës para shtatzanisë.
Për më shumë informacione në lidhje me komplikimet e shtatëzanisë KLIKO KËTU.
Dhimbja e shpinës mund të mos parandalohet plotësisht, por ka gjëra që mund të bëni për të ulur ashpërsinë ose shpeshtësinë.
Këtu janë disa hapa që mund të ndërmerrni për të ndihmuar në uljen e dhimbjes së shpinës që po përjetoni:
– Përdorni ushtrime të aprovuara nga ofruesi juaj i kujdesit shëndetësor që mbështesin dhe ndihmojnë në forcimin e shpinës dhe barkut.
– Shmangni takat e larta dhe këpucët e tjera që nuk ofrojnë mbështetje adekuate.
– Shmangni gjumin në shpinë.
– Përdorni një rrip mbështetës nën barkun tuaj të poshtëm.
Ekzistojnë një numër i gjërave që mund të bëni për të trajtuar dhimbjen e shpinës gjatë shtatëzanisë. Këtu janë disa ndërhyrje të zakonshme:
– Akull ose ngrohës;
– Ilaçet që përdoren për të trajtuar inflamacionin.
– Flini në anën tuaj të majtë dhe përdorni një jastëk mbështetës nën gjunjë. /Gazeta Shneta/