Në vitin 2021, diabeti gestacional ka prekur rreth 21% të të gjitha lindjeve në mbarë botën. Diabeti i nënës mund të ndikojë negativisht në shëndetin e fëmijës, përfshirë rritjen e rrezikut për probleme neurologjike.
Një studim i ri ka zbuluar se fëmijët e lindur nga nëna me diabet gestacional kanë 28% më shumë gjasa të diagnostikohen me çrregullime neurozhvillimore, shkruan burimi Medical News Today përcjell Gazeta Shneta.
Shkencëtarët gjithashtu zbuluan një lidhje midis diabetit gestacional dhe një rreziku të shtuar për çrregullime të spektrit të autizmit, ADHD (çrregullim i vëmendjes me hiperaktivitet), aftësi të kufizuara intelektuale, dhe çrregullime në të nxënë, komunikim dhe zhvillim motorik.
Diabeti gestacional — i njohur edhe si diabet i shtatzënisë — është një lloj diabeti që shfaqet gjatë shtatzënisë. Sipas të dhënave të vitit 2021, ky lloj diabeti preku rreth 17% të lindjeve në nivel global.
Gratë që mbeten shtatzënë në moshë mbi 45 vjeç, që janë me mbipeshë ose obezitet, që kanë sindromën e vezoreve policistike (PCOS), histori familjare me diabet, ose që kanë pasur diabet gestacional në një shtatzëni të mëparshme, janë në rrezik më të lartë për zhvillimin e këtij çrregullimi.
Diabeti i shtatzënisë mund të rrisë disa rreziqe shëndetësore për nënën, përfshirë sëmundjet e zemrës, depresionin pas lindjes dhe diabetin e tipit 2.
Studimet e mëparshme kanë treguar gjithashtu se diabeti gestacional mund të ndikojë negativisht në shëndetin e fëmijës, duke rritur rrezikun për astmë në fëmijëri, tension të lartë të gjakut, mbipeshë, diabet dhe çrregullime të neurozhvillimit.
Tani, një meta-analizë e re e publikuar në revistën “The Lancet Diabetes & Endocrinology”, sugjeron një lidhje midis diabetit të nënës dhe kushteve neurozhvillimore te fëmijët.
Ky studim gjeti se fëmijët e lindur nga nëna me diabet gestacional kanë 28% më shumë mundësi për të zhvilluar ndonjë çrregullim neurozhvillimor. U konstatua një lidhje e drejtpërdrejtë midis këtij diabeti dhe rrezikut të shtuar për autizëm, ADHD, aftësi të kufizuara intelektuale, si dhe çrregullime në të nxënë, komunikim dhe zhvillim motorik te pasardhësit. /Gazeta Shneta/