Konstipacioni kronik ndodh kur një person ka vështirësi në kryerjen e jashtëqitjes për tre muaj ose më shumë. Edhe pse mund të prekë njerëzit në çdo moshë, konstipacioni kronik është më i zakonshëm te të moshuarit.
Studime të mëparshme tregojnë se 15-30% e të rriturve mbi 60 vjeç përjetojnë këtë problem, shkruan burimi Medical News Today transmeton Gazeta Shneta.
Një studim i ri ka zbuluar se ndjekja e dietës mesdhetare ose dietës bimore mund të ndihmojë në uljen e rrezikut të konstipacionit kronik te të rriturit në moshë të mesme dhe të moshuar. Sipas studiuesve, rreth 15% e popullsisë globale përjeton konstipacion kronik, i cili ndikon thellësisht në cilësinë e jetës së tyre.
Dr. Kyle Staller, gastroenterolog dhe drejtues i Laboratorit të Motilitetit Gastrointestinal në Spitalin e Përgjithshëm të Masaçusets tha për Medical News Today se “konstipacioni kronik është shumë i përhapur te të moshuarit dhe ndikon ndjeshëm në cilësinë e jetës.”
Ai shtoi se ky problem ngarkon ndjeshëm edhe sistemin shëndetësor me miliona vizita ambulatore dhe në urgjencë, si dhe me shpenzime të mëdha mjekësore.
Pasi që plakja është një nga faktorët kryesorë të rrezikut për konstipacionin kronik, është e domosdoshme gjetja e strategjive të thjeshta dhe të arritshme për parandalimin e tij, për të zvogëluar vuajtjet personale dhe barrën ndaj sistemit shëndetësor.
Ky studim botuar së fundmi në revistën “Gastroenterology”, nënvizon rëndësinë e dietave të pasura me perime dhe fruta si metoda efikase për parandalimin e konstipacionit kronik në moshat më të avancuara. /Gazeta Shneta/