Djemtë në mbipeshë kanë nivel më të vogël të testosteroneve, çka rrit rrezikun e krijimit të impotencës.
Të paktën, kështu po thotë një studim nga Universiteti Buffalo kanë krahasuar 25 djem në mbipeshëdhe 25 djem me masë normale trupore në moshën prej 14 deri 20 vjeç. Zbulimi tregoi që djemtë në mbipeshë kanë madje 50 për qind më pak testosterone, në krahasim me ata me masë normale trupore.
Hulumtimi, i cili është publikuar në revistën Clinical Endocrinology, duhet të vazhdojë dhe të testohet në numër më të madh të djemve, transmeton Telegrafi.
“Ishim të befasuar kur zbuluam që djemtë e trashë kanë madje 50 për qind më pak testosterone”, ka deklaruar udhëheqësi i hulumtimit dr. Paresh Dandona, dhe ka shtuar se si “këto rezultate janë shqetësuese, sepse djemtë e trashë më vonë mund të bëhen impotentë dhe sterilë”.
Trashësia në mes djemve është gjithnjë e më e shpeshtë. Stili i jetesës i cili përfshin gjithnjë e më pak aktivitete fizike dhe shprehi të këqija ushqyese është gjithnjë e më i përhapur.
Prindërit duhet t’ua mësojnë fëmijëve shprehitë e shëndetshme jetësore, t’i nxisin në aktivitet fizik dhe të reduktojnë frekuencën e konsumimit të ushqimit të pashëndetshëm dhe të shpejtë.
Shkencëtarët thonë që shkalla e ulët e testosteroneve është e lidhur edhe me shkallën e lartë të yndyrave abdominale dhe nivelit të reduktuar të masës muskulore. E gjithë kjo mund të shkaktojë rezistencë në insulinë, dhe pastaj edhe diabet.