Çdo prind dëshiron ta ketë një fëmijë të edukuar dhe të sjellshëm. Por, për arritjen e kësaj ideje utopike, prindërit nuk duhet t’i bëjnë disa gabime.
Detyra e prindërit megjithatë bëhet e vështirë në rast se nuk i dëgjohen dëshirat dhe kërkesat.
Gjithsesi, këto janë gjashtë gjërat që nuk i rekomandohen një nëne ti bëjë ndaj fëmijës së saj:
Ta ndihmoni shumë
Kur një prind nuk e lejon fëmijën të bëjë gjërat vetë, ai nuk e ndihmon fëmijën të rritet. Duke e veshur, duke i bërë detyrat, duke zgjidhur çdo problem, ju pengoni zhvillimin e autonomisë së tij.
Ta ndëshkoni për çdo gabim
Sipas disa studimeve, ndëshkimi i fëmijëve nuk është asgjë tjetër, veçse lojë pushteti, ku prindi tregon se është më i fuqishëm. Ndëshkimi mund të shkaktojë frikë, pakënaqësi madje armiqësi mes jush.
Të zgjidhni ju për të
Duke filluar nga veshja, aktivtetet jashtëshkollore madje edhe miqtë. Të vendosësh se çfarë është e mirë dhe çfarë jo për fëmijën e bën atë të ndihet i paaftë të shprehë veten. Lëreni të zbulojë vetë interesat pa iu imponuar.
Të flisni në emër të fëmijës
Nëse ndërhyni në bisedat e fëmijës dhe përgjigjeni ju për të, do ta vini fëmijën në siklet. Kjo e bën atë të frikësuar.
Të bëni krahasime
Asnjëherë mos i krahasoni fëmijët me motrat, vëllezërit, shokët ose shoqet. Përkundrazi, nxiteni fëmijën të zhvillojë talentet dhe dëshirat e tij, pavarësisht se mund të jenë të ndryshme nga kushdo tjetër.
T’i thoni gjithmonë po
Nëse e mbështesni fëmijën për gjithçka, sepse i druheni reagimit të tij, ju nuk po e edukoni siç duhet fëmijën. Që fëmija të rritet e të bëhet i përgjegjshëm, është e nevojshme që ta kufizoni për gjërat që nuk mund të bëjë./Burimi ”Për nënat”