Shefi i Intensivës në Qendrën Klinike Universitare të Kosovës, anesteziologu dhe intensivisti Shaqir Uka ka marr një falënderim publik nga një koleg i tij për një kontribut të madh në vitin 1999.
Onkologu Ekrem Hyseni ka përkujtuar sot vëllain e tij Muharrem Hyseni i vrarë nga forcat serbe në vitin 1999 në Masakrën e Dyzit.
Por me rastin e përvjetorit të vëllait, Hyseni ka shkruar se nuk mund ta harrojë ndihmën dhe kontributin e një kolegu të tij për familjarët e tjerë të plagosur.
Është fjala për Dr. Shaqir Uka, anesteziolog/intensivist dhe shef i Intensivës në QKUK.
“Gjithmonë, e në momente si kjo, me ndjenjën më të thellë të mirënjohjes e falënderojmë, Dr. Shaqir Uka, i cili në kushte shumë të vështira u kujdes për shëndetin e familjes tonë dhe të gjithë të plagosurve tjerë në Kodrën e Trimave. Për njerëz të tillë do të lëmë amanet që falënderimi të përcillet gjeneratë pas gjenerate”, ka shkruar Hyseni në postimin e tij.
Postimi i plotë:
Kujtim dhe nderim i përjetshëm për të gjitha viktimat e rëna në Masakrën e Dyzit.
Në këtë ditë me nder dhe krenari kujtuam edhe vëllaun tonë, Muharrem Hyseni, i rënë në altarin e lirisë. Ndërsa me një ceremoni mbollëm 227 drunj që simbolizojnë 227 viktimat e kësaj masakre.
Gjithmonë, e në momente si kjo, me ndjenjën më të thellë të mirënjohjes e falënderojmë, Dr. Shaqir Uka, i cili në kushte shumë të vështira u kujdes për shëndetin e familjes tonë dhe të gjithë të plagosurve tjerë në Kodrën e Trimave.
Për njerëz të tillë do të lëmë amanet që falënderimi të përcillet gjeneratë pas gjenerate.
