Ta keni nënën, motrën ose ndonjë të afërm tjetër si kujdestare të fëmijës tuaj tingëllon si gjëja më e duhur në botë. Por ky opsion sjellë edhe disa truqe të vetat.
Nëse po konsideroni që të punësoni një të afërm si kujdestare të fëmijës, së pari konsideroni këshillat e mëposhtme para se të veproni.
A e do me të vërtetë atë punë?
Pasi që në një familje shumë shpesh ndodh që të mos thuani “jo” për shumë gjëra, ka mundësi që edhe për këtë çështje të ndodhë e njejta gjë. Nëse vëreni sadopak hezitim në sjelljen e tyrë bëni mirë që të diskutoni hapur. Para se të fillojë ky raport mes jush, të dy palët duhet të jenë në të njejtën faqe, kështu I kontribuoni edhe mirëqenies së bebes, shkruan WhatToExpect.
A janë të mirë me fëmijët?
Është gjë e këndshme që të mbash në dorë një fëmijë të vogël, ta përkundësh e të luash me të. Por kur je kujdestar I tyre, kjo gjë dallon. Sado për zemër ta kesh fëmijën, të kujdesesh për të me orë të tëra mund të sjellë edhe acarime të vogla. Nëse i afërmi juaj që do përkujdeset nuk shquhet për durim dhe improvizim, mendoni një opsion tjetër…
A janë të gatshëm fizikish për ta përballuar këtë punë?
Prindërit tuaj ose të partnerit mund të borhorasin njëzëri se do të kujdesen gjithmonë për nipërit e tyre por a e dini njëmend se gjendja e tyre fizike e lejon një gjë të tillë? Fëmijët kërkojnë t’u qëndrojnë pas tërë kohën, të kërrusesh për ta, të shkosh zvarrë… Këto mund të jenë aktivitete që shumica e gjyshërve nuk do I merrnin parasysh, përcjellë GazetaShneta.
A mund t’i tregoj një të afërmi se çfarë duhet të bëjë?
Komunikimi i hapur është çelës suksesi për një raport me kujdestaren. Por shmë nëna e kanë të vështirë që të afërmive t’I tregojnë se çfarë të bëjnë me foshnjen e tyre. Për dallim me kujdestare të thjeshtë të cilën pas një periudhe të caktuar nuk do e shihni më, me të afërmin tuaj do ju rastis që të shiheni edhe pasi të përfundoj raporti si kujdestare. Mendojeni mirë!
Sa fleksibilë janë me orare dhe me sjellje?
A është ky I afërm i gatshëm që të qëndrojnë gjithmonë nën gatishmërinë tënde? Po ashtu, a pajtoheni të dy rreth mënyrave të njejta të edukimit të një fëmijë? Nëse e dini se për këtë të dytën dalloni shumë, atëherë nuk sygjerohet që ta keni si dado. Ju do të donit që kujdestarja të përdorë mënyrat e njejta të edukimit si ju; dhe jo të vini një ditë në shtëpi dhe të shihni se fëmija ka filluar të imitojë një sjellje që ju nuk e preferoni tek i afërmi i juaj.
Në anën tjetër, nëse jeni të vetëdijshëm që të gjithë këta hapa ju mund t’i rregulloni me një komunikim të sinqertë dhe pa hatërmbetje, atëherë një dado-i afërm është zgjidhja ideale për ju. /GazetaShneta/