Ekspertët në lidhur me këtë pyetje janë përgjigjur me jo. Mosha në të cilën shfaqet dhëmbi i parë tek fëmijët, mund të ndryshojë shumë nga njëri rast në tjetrin. Zakonisht dhëmbi i parë del rreth moshës 6-muajshe.
Megjithatë, tek disa foshnje dhëmbi shfaqet edhe më herët, por ka edhe të tilla që nuk iu shfaqet asnjë dhëmb kur buzëqeshin në ditëlindjen e tyre të parë.
Nëse fëmijës suaj ende nuk i ka dalë asnjë dhëmb edhe pse ka mbushur 10 muaj, me siguri organzimi i tij po merr kohën që i duhet, për t’u zhvilluar sipas ritmit të tij individual.
Shanset janë që dalja e dhëmbëve me vonesë të trashëgohet nga brezat parardhës. Bisedoni me gjyshërit e fëmijës suaj. Mund të zbuloni se mbase edhe bashkëshortit tuaj i kanë dalë dhëmbët me vonesë dhe kjo është arsyeja përse po vonohen edhe tek fëmija.
Nëse jeni ende e shqetësuar ose në qoftë se fëmija nuk ka dhëmbë kur ai është mbi një vjeç, bisedoni me mjekun tuaj ose dentistin. Ata do të jenë në gjendje të kontrollojnë fëmijën dhe t’ju sigurojë se gjithçka është mirë./pernenat.al/