Të qenurit baba, një nga ngjarjet më të bukura që mund t’i përjetoni. Një tranformim i jetës, ku filloni të mendoni më shumë dhe më gjatë për të ardhmen e mrekullisë që tashmë mbani në duar.
Jo vetëm nënat janë ato të cilat mbajnë përgjegjësinë e një foshnje, pasi edhe roli i baballarëve apo i partnerit luan rol shumë të rëndësishëm në zhvillimin e tij/saj shkruan Belly Belly, transmeton Gazeta Shneta.
Shumë prej grave, natyrisht se duan të kenë një partner që përfshihet në procesin e prindërimit.
Ajo që është po aq e rëndësishme është se shumica e burrave duan të jenë baballarët më të mirë të mundshëm për fëmijët e tyre dhe mbështetja më e mirë për partneret e tyre.
Për këtë arsyje është e natyrshme dhe e duhur që edhe partneri juaj të merr pjesë në procesin e lindjes..
Informacioni dhe mbështetja janë aspektet kryesore të të qenit një partner mbështetës. Ka shumë arsye pse shtatzënia tek njerëzit zgjat rreth 40 javë.
Një nga këto është të kesh mjaft kohë për t’u përgatitur për lindjen dhe jetën e familjes së re sapo të vijë fëmija.
Një ndër gjërat që duhet të keni parasysh është të diskutoni sesi po ndihet partnerja juaj ditëve të fundit të shtatzënisë. Kjo përfshin induksionin, opsionet për lindje, lindja me prerje cezariane, kujdesin pas lindjes e shumë të tjera. Munohuni që të bëheni dëgjues aktiv në përvojat dhe dëshirat e saj.
Në anën tjetër, në momentin e lindjes së foshnjes suaj, ju si partner mbështetës duhet të qëndronit të qetë. Kjo pasi oksitocina është një nga hormonet më të rëndësishme që nëna duhet të sekretojë gjatë lindjes. /Gazeta Shneta/