Kur ju ta mbani në duar foshnjën tuaj të sapolindur do të mendoni ndoshta se si keni arritur ta mbani në trupin tuaj për tërë atë kohë.
Trupi i gruas ndërron aq shumë gjatë shtatzënisë në mënyrë që të krijojë kushte të përshtatshme për të zhvilluar sa më shëndetshëm fetusin brenda, transmeton GazetaShneta.
Por a ju ka shkuar ndonjëherë në mendje se sa ndërrime fizike pëson edhe foshnja gjatë lindjes?
Në një spital të Francës është bërë një eksperiment skanimi me 7 gra vullnetare të cilat gjaë lindjes janë skenuar, përcjellë “Mother.ly”.
Këto skanere kanë habitur edhe mjekët që janë marrë me eksperimentin sepse pamjet tregojnë në ndryshim rrënjësor në formën e kokës së foshnjes.
Në foto mund të shihet forma rrethore e kokës së foshnjës ende pa dalë në kanalin e lindjes dhe më pas ndryshimi që pëson pasi të hyjë në këtë kanal.
Sipas mjekëve kjo ndrydhje e kokës nuk është shqetësuese sepse është formë e organizmit të njeriut e cila përshtatet.
Por sipas Dr. Oliver Ami, studimet për këtë fenomen të mahnitshëm duhet të zgjerohen edhe më shumë.
“Gjatë lindjes vaginale forma e kokës ndryshon duke ndikuar edhe në ndryshimin e trurit të foshnjes. Truri gjatë këtij procesi nuk dëmtohet dhe rastet e komplikimin janë një në njëmijë ose më pak. Por ne duhet të zgjerojmë kërkimet tona në mënyrë që na raste komplikimi të dijmë të ndërhyjmë saktë dhe me kohë”, ka thënë Ami.
Edhe pse koka duket se ndërron formë, ajo rikthehet menjëherë në formën e mëparshme posa foshnja të takohen me ambientin e jashtëm. /GazetaShneta/