Elvir Azizi do ta marr sot detyrën e drejtorit të përgjithshëm të SHSKUK-së.
Shërbimi Spitalor Klinik Universitar i Kosovës nga sot do të udhëhiqet nga drejtori i ri i përgjithshëm, shkruan Gazeta Shneta.
Elvir Azizi i cili doli i pari në konkursin për këtë pozitë, do të marr sot detyrën zyrtarisht nga Bordi Drejtues i cili edhe e përzgjedh kandidatin sipas Statutit të SHSKUK-së.
Azizi është farmacist me profesion dhe para se të kandidonte për drejtor të SHSKUK-së ka qenë i angazhuar si ekspert nga Banka Botërore në Ministrinë e Shëndetësisë. Më parë ai ka punuar edhe në kompani farmaceutike.
SHSKUK deri më tani është udhëhequr nga zv.drejtoresha Narqize Arenliu-Hoxha. Para saj në këtë pozitë ishte Pranvera Zejnulllahu, e cila u emërua pas dorëheqjes së ish-drejtorit Valbon Krasniqi para një viti. /Gazeta Shneta/