Shumë shpesh prindërve, e posaçërisht nënave iu bie të dëgjojnë nga familjarët apo fqinjtë ato fjalët e shumë dëgjuara se “po e llaston fëmijën pa nevojë”.
“Nëse e mban në duar sa herë që foshnja të qan vetëm se do e llastosh”, “Nëese e ushqen vetëm me gjërat që foshnjes i pëlqejnë, do ta llastosh”, këto janë disa shprehje tjera që mund t’I keni dëgjuar. Por a e keni menduar ndonjëherë sa të vërteta mund të jenë?
Sipas një artikulli në Parents shkruan se sipas ekspertëve një gjë e tillë si “llastimi i foshnjes” nuk ekzistion, sepse sipas tyre është e pamundur të llastohet një fëmijë i sapolindur, përcjellë GazetaShneta.
Të sapolindurit qajnë sepse kanë nevoja themelore – të ushqehen, të përkunden, dhe të duhen. Në këtë moshë, nevojat dhe dëshirat e tyre janë po të njejtat. Dhe është obligim I prindit që të t’i dëgjojë këto nevoja dhe t’I përmbushë ato. Edhe nëse ju duhet që ta përkundni tërë kohën në djepin e tyre, ose të zgjoheni në mes të natës sa herë që qajnë, kjo nuk nënkuptom llastim. Nëse ju do ia plotësoni çdo nevoje foshnjes tuaj, ju atëherë jeni duke i dhënë sinjalin se ata mund të ndihen të sigurt në botë. Kjo gjë I ndihmon foshnjet që të rriten me sensin e sigurisë së plotë. Kjo ndikon që në të ardhmen ata të ndihen shum më të sigurt në jetën e tyre.
Foshnjet nuk ju manipulojnë – sepse foshnejt nuk e kanë atë aftësi në muajt e tyre të parë. Edhe kur qajnë me irritim, edhe kur kërkojnë t’u qëndroni afër tërë kohën, nuk është se po tentojnë të ju manipulojnë dhe që këtë sjellje do ta kenë gjithë jetën. Jo! Atyre u duhet të ndjejnë rehatinë pranë prindërve të tyre dhe ju e keni obligim t’ua siguroni atë. Në këtë mënyrë ju do e forconi edhe më shumë lidhjen prind-fëmijë.
Gjërat ndryshojnë kur fillojnë të rriten – sepse dëshirat e tyre fillojnë të sofistikohen dhe dallojnë nga nevojat e tyre. Për shembull, prej moshës 6-mujore foshnjet fillojnë të luajnë me objekte të ndryshme në dhomë; duan ta prekin pilotin e televizorit, të fusin në gojë telefonin tuaj. Në këto raste ju duhet të reagoni dhe t’I mesoni disiplinën. Kështu fëmija do të kuptojë që ju si prindër keni limitet tuaja që më vone do të përkthehen si edukim I karakterit të fëmijës.